@ પ્રીતિ ભટ્ટ.."પ્રીત" (નવસારી)

કલમને જાણે
કૂંપળ ફૂટી,
શબ્દો થકી
વરસી હેલી
વાહ વાહ તણાં
મળ્યાં ઈનામ.

*********************
નવા સવા બન્યાં
કવિ; ને રચી નાંખી
એક ગઝલ!
ભાવ એવો
બંધાયો, સઘળા
વાચકની આંખે
આંસુ..!ને મળી
ગયું તખ્ખલુસ
તણું ઈનામ.

**********************
સાહિત્યની સરવાણી
રોજે રોજ પીરસાતી
રચનાઓ અઢળક
રચાતી, કોઈ રચના
શબ્દ શણગાર
થકી પામે
માન સન્માન સમુ
ઈનામ.
ને કોઈ રચના
રહી જાય
શબ્દો રૂપી
અભિવ્યક્તિ.

**********************
કાગળે સમાતી
વેદના સઘળી
ને શબ્દો પોખાતા
રોજે.
મળતાં થયાં
સવને ઈનામ મોટા.

**********************

@ પ્રીતિ ભટ્ટ.."પ્રીત" (નવસારી)